منتدي درة التوحيد
اهلا بك زائرنا يسعدنا تسجيلك معنا فلا تحرمنا تلك السعادة
منتدي درة التوحيد

للنساء فقط
 
الرئيسيةالتسجيلدخول

بحـث
 
 

نتائج البحث
 
Rechercher بحث متقدم
المواضيع الأخيرة
» الفصل الاول من قصة على مبارك للصف السادس الابتدائى
الأربعاء مايو 14, 2014 5:41 pm من طرف أم عائشه وحفصة

»  اكسسوارات لاب توب رووووووعة
الخميس أبريل 17, 2014 10:59 am من طرف عبيرورد

» شرح تفعيل انترنت داونلود مانجر Internet Download Manager بدون كراك او باتش
الخميس فبراير 20, 2014 12:21 pm من طرف القلب الحنون

» حملة أيقظني فجراً إلى من ينام عن صلاة الفجر
الثلاثاء فبراير 18, 2014 4:05 pm من طرف القلب الحنون

» اولى حلقات برنامج تعشب شاى
الثلاثاء فبراير 11, 2014 6:05 am من طرف خديجه

»  مصحف الصحابة في القراءات العشر المتواترة من طريق الشاطبية والدرة (ملون)
الثلاثاء يناير 28, 2014 2:08 pm من طرف memo

»  ما هي الأطعمة التي تزيد حليب الأم؟
الجمعة يناير 24, 2014 2:37 pm من طرف عبيرورد

» مكياج عيون للسهرت
الجمعة يناير 24, 2014 12:16 pm من طرف عبيرورد

»  قصة اختراع أكياس الشاي
الجمعة يناير 24, 2014 12:07 pm من طرف اسلامي حياتي

» مكونات كريمات العناية بالبشره
الجمعة يناير 24, 2014 12:04 pm من طرف القلب الحنون


شاطر | 
 

 عفوا ..أنا بقيت أخت‎!!!

اذهب الى الأسفل 
كاتب الموضوعرسالة
ام حسام



عدد المساهمات : 105
عدد مشاركات العضوة : 158
السٌّمعَة : 0
تاريخ التسجيل : 04/06/2010

مُساهمةموضوع: عفوا ..أنا بقيت أخت‎!!!    الأحد يونيو 27, 2010 8:05 pm

عفوا ..أنا بقيت أخت‎!!!

بسم الله‎ ‎الرحمن الرحيم

بصوا

اسمحولي أتكلم شوية مع‎ ‎نفسي‎

يعني اللي هايتكلم دلوقت ... أنا و‎ ‎نفسي‎

وانتوا مالكوش دعوة‎
‎............ ........
فاكرة الأيام دي‎ ‎؟؟؟‎

أول ما لبستي حجاب شرعي‎ ‎سليم؟؟‎

و الناس كلها بقت بتقولك يا أخت‎ ‎فلانة‎
و بقيتِ لما تشوفي واحدة متبرجة بتروحي تكلميها‎ ‎؟‎
و لما تلاقي سواق الميكروباص مشغل أغاني تديله شريط‎ ‎؟؟‎
لما كنتِ بتمشي في الشارع وكتاب طلب العلم في شنطتك‎ ‎وماشية للمسجد وكأنك رايحة ‏للجنة ؟؟‎
و لما كنتِ بتسجدي‎ ‎و تقعدي تتكلمي مع ربنا و تحكيله على كل اللي مزعلك و ‏تشتكيله‎ ‎؟؟‎

فاكرة المشاعر اللي كنتِ بتحسي‎ ‎بيها أيامها ..؟؟‎

كنتِ بتحسي إنك طايرة من‎ ‎الفرحة .. و إن الحياة كلها منورة .. و إنتِ ماشية في ‏الشارع حاسة إن الشوارع و‎ ‎العمارات بتضحك و الدنيا فعلا شكلها اتغير‎
حتى لما‎ ‎تحصلِلك مشاكل‎
لما كنتِ بتقعدي وسط أصحابك وتلقيهم‎ ‎بينموا وتنصحيهم بيزعقولك ويقولولك ( وهو ‏فيه إيه يعني دي شوية فضفضة‎ )
كنتِ بتسبيهم و انتِ زعلانة على حالهم ولكن كنتِ‎ ‎بتبقي فرحانة إنك سبتي شيء لله و ‏لما كانت بتحصلِلك مشاكل في البيت و خناقات .. أول‎ ‎ما المشكلة تعدي كنتِ بتحمدي ‏ربنا و بتفرحي جدا و تحسي إنك نجحتي في‎ ‎الابتلاء‎

فاكرة المشاعر‎ ‎دي
؟؟؟؟‎

لما كنتِ كل ماتعرفي حاجة جديدة في الدين بتحاولي‎ ‎انكِ تنفذيها فورا من غير ماتسألي ده ‏واجب و لا‎ ‎مستحب‎

لما قعدتي تتدربي مع نفسكِ في البيت عشان تعرفي تقعدي جلسة التورك في‎ ‎الصلاة‎
و لما كنتِ كل لما تيجي تشرب حاجة تدوري على حتة تقعدي فيها عشان تشربي‏‎ ‎وانتي ‏قاعدة على السنة‎

فاكرة‎ ‎المشاعر دي؟؟؟؟‎

‎(‎مشاعر‎ ‎البداية‎)

؟؟؟‎

أمال إيه اللي حصل بعد كده ؟؟؟‎
كنتي‎ ‎في الأول بتستغربي من كلمة يا أخت و الكلام ده و تقولي أنا لسه ماوصلتش ‏للحاجات‎ ‎دي‎

دلوقتي اتعودتي على الكلمة دي .. و لما حد بيقول يا أخت (حتى لو‎ ‎مايقصدكيش انتِ) ‏بتبصي فاكرك بينادي عليكِ‎
دلوقت سمعتي شرايط كتير و حضرتي شوية‎ ‎دروس‎
و بدأت تصدقِ إنك أخت بجد‎
و الناس بقت بتسألكِ في الدين‎
و انتِ بقيتي‎ ‎بتفتي‎
و بقيتِي تقولي الشيخ فلان ده مبتدع‎
و الشيخ فلان ده ربنا يهديه‎
و‎ ‎بقيتِ تقولي: أصل ده مستحب‎
لا ده مش حرام ده مكروه‎
لا أصلِك مش فاهمة.. ده‎ ‎في مواضع تجوز فيها الغيبة‎
و بعد كده بدأتي تتخِلى عن حاجات كتير كنت بتعمِليها‎ ‎و تقولي أصلها مستحبة‎
و المرحلة اللي بعدها رجعتي لشوية معاصي و بقيتِ تنام عن‎ ‎صلوات و و.. و‎...
‎... ‎بس برضه‎
‎..‎أنا لسه ( ملتزمة‎ )

فاكرة مشاعرك في الفترة دي‎ ‎؟؟؟‎

مشاعر ... مشاعر إيه ؟؟‎

مابقاش في مشاعر خلاص‎


أنا بقيت لما أسمع درس في‎ ‎الرقائق أقول الحاجات دي كلها أنا عارفاها و سمعتها قبل كده‎

أنا عديت‎ ‎المرحلة دي‎

و الصلاة خلاص اتعودت عليها و مابقتش باحس فيها بأي‎ ‎حاجة
مابقاش‎ ‎في أي مشاعر‎
فيييييييييييييييييييييييييين أيام زمان‎ ..‎؟؟‎

طيب أمال المشاعر الحلوة بتاعة زمان دي راحت فين ؟؟؟‎

أنا‎ ‎هاقولِك‎
مشكلِتك إنِك عشتي الوهم‎
كذبتي كذبة كبيييييييييييرة و‎ ‎صدقِتيها‎

الكذبة دي هي كذبة‎:‎

أنا بقيت أخت‎

بس استنى بس‎ ‎و ماتقعديش تقولي لا ياستي انا لا أخت ولا حاجة‎ ‎ده أنا غلبانة و‎ ‎كلي ‏ذنوب‎

دي الكذبة التانية‎

إنكِ‎ ‎حتى مع نفسِك من غير ماحد يبقى معاكِ بتكدبي و تقولي إنكِ شايفة نفسك ولا ‏حاجة‎
و‎ ‎إنتِ من جواكِ شايفة نفسك حاااااااااااااجة كبيييييييييييييييييرة جداااااا‎
بس‎ ‎المصيبة إنِك مش عارفة كده‎
مش عارفة أِنك شايفة نفسك‎

موضوع معقد مش كده‎ ‎؟؟‎
بس هي دي الحقيقة‎


شيخ الإسلام كان في عصره في شبهات كتير و كان هو‎ ‎بيتصدى لكل الشبهات دي و ‏ليه كتب كتير في الرد على المبتدعة‎
بس شوفي الكلمة‎ ‎دي‎
كان بيقعد بعد صلاة الفجر في المسجد حتى يتعالى النهار يعني لحد الظهر و‎ ‎يقول‎:
‎(‎هذه غدوتي لو لم اتغدى هذه الغدوة لسقطت‎ ‎قواي‎)

و العلماء بيقولوا إن الكلام في الرجال و الرد على أهل البدع‎ ‎لو ماكانش صاحبه ليه ‏حال مع ربنا يقسي القلب‎

عرفتِ ليه المشاعر راحت‎ ‎؟؟‎

قال الإمام الذهبي‎:

‎(‎الكلام في الرجال لا‎ ‎يجوز إلا لتام المعرفة تام الورع‎)

يعني مش إنتِ‎ ‎خااااااااااالص‎

إنتِ تسكتي و تبص لحالك‎

إنتِ‎ ‎إيه حالِك مع ربنا‎
إيه حالِك في صيام النوافل و قيام الليل و الدعوة إلى‎ ‎الله‎
إنتِ صدقتي أنك أخت بجد ولا إيه؟‎!!!
لأ‎ ‎فوووووووووووووووووووووووووووووووقي‎

فوقي و حاولي تلحقي نفسِك قبل‎ ‎فوات الأوان‎

طيب أنا أعمل إيه دلوقت عشان أرجع الأيام دي تاني‏‎
‎-‎لازم أول‎ ‎حاجة تلجئى لربنا‎


خليكي قدام الباب و ألحي في الدعاء إنه يخلِصك من اللي‎ ‎انتِ وصلتيله ده‎

‎- ‎ابعدِي نفسك عن أي مجال للجدال و الكلام عن أي حد مش‎ ‎موجود سواء مشايخ أو ‏غيره حتى لو مخالفين للمنهج السلفي و لو يعني اتزنقتِ و انتِ‏‎ ‎مثلا بتدعي حد و بتكلميه ‏مثلا عن الأغاني و قاللِك أصل الشيخ فلان قال تقوليله إن‎ ‎كل إنسان ممكن يغلط و مادام ‏الأمر في نص من القرآن و السنة يبقى ماينفعش نقدم كلام‎ ‎أي حد على كلام ربنا و ‏كلام الرسول صلى الله عليه و سلم وكده بس إوعي تغلطِ في‎ ‎الشيخ اللي قاللتلك عليه ‏و والله ده هايعليكِ عند اللي قدامك دي‎
‎-‎لازم يبقى‎ ‎ليكي حال مع ربنا و ليكي ورد من العبادات تحاسبِ نفِسك عليه‎
‎- ‎باختصار .. لازم‎ ‎تقفي مع نفسِك و تشوفي يومك اللي انتِ بتقضيه ده يوم واحدة ‏ملتزمة ولا لأ‎ .‎
أسأل‎ ‎الله أن يجعلنى وإياكم من أهل القرءان الذين هم أهل الله وخاصته‎

منقووول

الرجوع الى أعلى الصفحة اذهب الى الأسفل
ragwa

avatar

عدد المساهمات : 513
عدد مشاركات العضوة : 971
السٌّمعَة : 0
تاريخ التسجيل : 18/05/2010

مُساهمةموضوع: رد: عفوا ..أنا بقيت أخت‎!!!    الإثنين يونيو 28, 2010 9:12 am

نسأل الله العفو والعافية والمعافاة في الدنيا والاخرة
الرجوع الى أعلى الصفحة اذهب الى الأسفل
ام حسام



عدد المساهمات : 105
عدد مشاركات العضوة : 158
السٌّمعَة : 0
تاريخ التسجيل : 04/06/2010

مُساهمةموضوع: رد: عفوا ..أنا بقيت أخت‎!!!    الإثنين يونيو 28, 2010 10:09 am

ragwa
اللهم امين اختي
اسعدني مرورك وتواصلك
الرجوع الى أعلى الصفحة اذهب الى الأسفل
 
عفوا ..أنا بقيت أخت‎!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي درة التوحيد :: درة للاقسام الاسلامية :: درة المنتدي المفتوح-
انتقل الى: