خبز الحلاوة و الشكولاتة
هو نوع من المخبوزات الغربية
ولا يحتوى عادة على الحلاوة الطحينية
ولكن أحد عشاق الخبز و هو من اصل
غربىاضاف الحلاوة الطحينية كلمحة عربية للوصفة
الإسم الأصلى لهذا الخبز
البابكا
الكمية تنتج رغيفين فى حجم التوست الكبير
المقادير
6 اكواب دقيق 2 باكتة خميرة فورية 3/4 كوب سكر 3 بيض فى درجة حرارة الغرفة 1 1/3 كوب حليب دافىء 1/2 معلقة ملح 14 معلقة زبدة فى درجة حرارة الغرفة
فانيليا
بشر ليمونة
للتزين
بيضة مخفوقة
للحشو
1/2 كجم حلاوة طحينية مكسرة قطع
1/2 كجم شكولاتة مبشورة
1/2 كوب زبيب
كوب مكسرات محمصة تحميص خفيف (عشان تكون صحية)
يفضل عين جمل و ممكن اى حاجة حتى لو سودانى
و ممكن خليط
رشة قرفة (اختيارى لمحبى القرفة)
ممكن تقسمى الكمية بالنصف لو حبيتى عشان تعملى رغيف واحد
الطريقة
امزجى كل مكونات العجينة
اعجنيها كويس
حطيها فى بولة مدهونة و غطيها كويس اوييي بالسوليفان و سبيها فى التلاجة لمدة 5 او 6 ساعات
قسمى العجينة بعد كده لقسمين (رغيفين)
افردى النصفين بالنشابة
و افردى الحشوة بالتساوى على كل نصف
لفى كل نصف كأنه سويس رول
بالسكينة قطعى في كل رول تقطيع عرضى بدون ماتنزلى لآخر الرغيف يعنى كأنك بتقطعى سويس رول من غي ما تفصليه خالص عن الرول
شيلى كل رول و حطيه فى قالب توست مبطن بورق زبدة
غطيهم بفوطة نظيفة و حطيهم يخمروا فى مكان دافىء لمدة 45 دقيقة
سخنى الفرن
ادهنى وجه الرغيفين بالبيضة المخفوقة
حطى القوالب تتخبز لمدة 45 دقيقة
طلعيها بعد كده تبرد على رف سلك
ملحوظة :
ممكن تحتفظى بأحد القوالب فى الفريزر لحين الإستخدام
سخنى القطعة اللى حاتقدميها مغطاة بفويل قبل التقديم
تقدم دافئة و ليس ساخنة
الأربعاء مايو 14, 2014 5:41 pm من طرف أم عائشه وحفصة
