سلطة التونة

بسم الله الرحمن الرحيم
مين فيكو مش بتحب تاكل التونة بالملح والفلفل الإسود والكمون والخل أو الليمون فقط؟
بناتى وأنا بنحبها سلطة...؟إزاى سلطة؟..
سهل أوى
المقادير
علبة تونة(طبعاً بتزيدى الكمية حسب عدد الأشخاص)
1 طماطم جامدة(خاصة بالسلطة)
1 بصلة بين الوسط والصغير
1/2 فلفلة رومى خضراء
1/2 فلفلة صفراء أو برتقالى
1/2 فلفلة حارة(ممكن استبدالها بشطة أو الإستغناء عنها حسب الرغبة)
ملح, فلفل إسود, كمون, ليمون+خل, زيت زيتون(ممكن زيت ذرة أو عباد حسب الرغبة)
الطريقة
1- ضعى التونة فى مصفاة واتركيها حتى تتخلص من كل زيتها(أو محلولها الملحى).
2- قطعى البصلة شرائح(قسميها أولاً أرباع ثم قطعيها شرائح), ثم إدعكيها جيداًبالملح والفلفل الإسود والخل والليمون واتركيها جانباً حتى تنهى تجهيز باقى المكونات.
(هذة الطريقة تحتفظ للبصلة بفائدتها إضافة للتخلص من المذاق الحارق لها).
3- قطعى الطماطم كريهات(مكعبات صغيرة), وراعى التخلص من الأجزاء المحتوية على ماء بها إن وجدت.
4- قطعى الفلفل الرومى(بألوانه) جوليان..أى أصابع.
5- افرمى الفلفلة الحارة بالسكين أو بالمفرمة(حتى يتم توزيعها جيداً فى السلطة).
6-فى إناء كبير, ضعى التونة+ البصل+ الطماطم+ الفلفل بأنواعه وألوانه+ الكمون+ زيت الزيتون...وقلبى جيداً وببطء.
تذوقى السلطة واضبطى الملح.
ملحوظة: لاتضيفى ملح و فلفل أسود قبل الخلط الجيد, فلا تنسى الملح والفلفل الموجود بالبصل
7- ضعيها فى إناء التقديم وجمليها بأوراق البقدونس...
وبالهنا والشفا

جميله والايام توجد سمك التونه كتير جدا ان شاء الله نجربها

اه جميل جدا علبه التونه بكام دلوقتي غير انها متكفيش طفل صغير لكن ست البيت الشاطرة هي اللي تعرف توفر لبيتها وعيالها