اللحمة بالفرن ملفوفة فى ورق الالومنيوم... روعة
المقادير ؛ حوالى كيلو لحم ,,,
بصلتين,,, ملح ,,فلفل,,, توابل ,, جوزة الطيب ,,, معلقتين سمنة,,, ورق
الومنيوم او قالب فويل ويغطى بورق الالومنيوم..
الطريقة؛
1-تغسلى اللحمة كويس وتقطعيها مكعبات صغيرة ومتساوية.
2- تقطعى بصلة حلقات اوشرائح.
3-تتبلى البصل بالملح والفلفل والتوابل وجوزة الطيب بعد بشرها ومعلقتين
السمنة وتقلبيهم كويس وتخلطى عليهم اللحمة المكعبات وتقلبيها كويس مع البصل
والتتبيلة والسمنة
وحطيها فى القالب الفويل وغطيها بورق الالومنيوم ودخليها الفرن وبعد حوالى
ساعتين او ساعتين وربع طلعيها وتقدم ساخنة وبالهنا والشفا....
اللى تجربها وتعجبها تدعيلى وياريت تعرفنى اية رأيها بصراحة انا جربت
الطريقة دى من كتاب الشيف شربينى عشان كدة كتبتها فى القسم الخاص بالشيف
شربينى
بس بجد والله روعة